Ísland mætir Danmörku annað kvöld í þriðja leik riðilsins í Þjóðadeildinni. Ísland er án stiga á meðan Danmörk er með eitt stig eftir að hafa fengið stig gegn Englandi á heimavelli.
Viðureignin verður 24. innbyrðis leikur A-landsliðanna í sögunni. Danir hafa unnið nítján af leikjunum og fjórum sinnum hefur orðið jafntefli. Ísland hefur aldrei unnið.
Fyrsti A-landsleikur Íslands var gegn Danmörku á Melavellinum árið 1946. Gestirnir unnu 3-0 sigur. 14-2 tapið er þá reglulega rifjað upp. Síðast mættust liðin árið 2016 og þá vann Danmörk 2-1 á MCH leikvanginum í Danmörku. Arnór Ingvi Traustason skoraði mark Íslands undir lok leiks.
Er ekki kominn tími á fyrsta sigurinn?
„Auðvitað fór mikil orka í Rúmeníu leikinn en það er ekkert vesen að gíra sig upp til að spila á móti Danmörku og ná fyrsta sigrinum gegn Dönum," sagði Aron Einar Gunnasson á fréttamannafundi í dag.
Leikurinn hefst klukkan 18:45 á morgun og fer fram á Laugardalsvelli.
Athugasemdir