Víkingur Ólafsvík vann Kára, 4-1, í B-deild Lengjubikarsins í kvöld á meðan KH valtaði yfir Afríku, 7-0, í C-deildinni.
Mikael Hrafn Helgason og Ísak Máni Guðjónsson skoruðu mörk Víkings í fyrri hálfleiknum áður en Luis Romero Jorge gerði þriðja markið snemma í síðari. Fylkir Jóhannsson minnkaði muninn á 64. mínútu með marki úr víti áður en Jorge gerði fjórða mark Víkings.
Víkingsur er í 3. sæti í riðli 1 í B-deildinni með 4 stig en Kári á toppnum með 6 stig.
KH kjöldró Afríku, 7-0, á Hlíðarenda. Tóbías Ingvarsson og Haukur Ásberg Hilmarsson gerðu báðir tvö mörk en Sturla Ármannsson, Bjarki Marinó Albertsson og Danny Tobar Valencia sitt markið hvor.
Danny Tobar er bróðir handboltamannsins Stiven Tobar Valencia, sem hefur verið að gera það gott með Val síðustu ár.
KH er í þriðja sæti í riðli 2 í C-deildinni með 3 stig en Afríka á botninum og án stiga.
Úrslit og markaskorarar:
B-deild:
Víkingur Ó. 4 - 1 Kári
1-0 Mikael Hrafn Helgason ('27 )
2-0 Ísak Máni Guðjónsson ('41 )
3-0 Luis Romero Jorge ('57 )
3-1 Fylkir Jóhannsson ('64 , Mark úr víti)
4-1 Luis Romero Jorge ('76 )
C-deild:
KH 7 - 0 Afríka
1-0 Haukur Ásberg Hilmarsson ('11 )
2-0 Sturla Ármannsson ('14 )
3-0 Tóbías Ingvarsson ('17 )
4-0 Bjarki Marinó Albertsson ('31 )
5-0 Haukur Ásberg Hilmarsson ('35 )
6-0 Tóbías Ingvarsson ('59 )
7-0 Danny Tobar Valencia ('66 )
Rautt spjald: Edward Oppong, Afríka ('90)
Athugasemdir