Arnar Grétarsson þjálfari Vals
„Mér líður bara mjög vel. Mér fannst bara svona heildarbragurinn góður fyrir utan kannski fyrsta korterið þá sluppum við smá með skrekkinn að hafa ekki fengið á okkur mark vegna þess að HK fékk nokkra sénsa þar. En eftir það fannst mér við taka yfir leikinn og skoruðum gott mark, áttum stangarskot og svo bara sýndum við hvers við erum megnugir í seinni hálfleik og ég er bara ánægður með frammistöðuna og stigin þrjú." sagði Arnar Grétarsson sáttur eftir 5-0 sigurinn í Kórnum í dag.
Lestu um leikinn: HK 0 - 5 Valur
HK byrjaði leikinn vel og fengu dauðafæri til þess að komast yfir í leiknum en eftir að Tryggvi Hrafn Haraldsson kom Valsmönnum yfir var þetta aldrei spurning.
„Fyrsta korterið til tuttugu mínúturnar þá voru HK inn í leiknum og voru alltaf hættulegir þó við hefðum verið með boltann ansi mikið en það skiptir ekki öllu máli, þeir voru að skapa sér færi og koma okkur í vandræði en sem betur fer náðum við að halda hreinu og komast yfir og svo var frammistaðan eftir það var rosalega flott"
„Þeir sköpuðu sér nánast ekki neitt eftir fyrsta korterið þannig bara flott frammistaða í heild sinni. Gott að fá Patrick (Petersen) inn á og skora tvö mörk og virkilega flottur leikur í alla staði."
Núna er framundan tveggja vikna landsleikjahlé og var Arnar spurður út í uppskeruna þegar deildin er rétt tæplega hálfnuð og eru Valsmenn í öðru sæti með 26.stig.
„Mér finnst við hafa sýnt góðar frammistöður og svo eru alltaf tveir leikir sem eru svona smá súrir og það eru FH og Keflavík, en svona heilt yfir þá er frammistaðan og hvernig við höfum verið að spila að þá getum við bara verið nokkuð bjartsýnir."
Athugasemdir
