Peter Christiansen, eða PC eins og hann er oftast kallaður, er farinn frá FC Kaupmannahöfn eftir þrjú ár hjá félaginu.
PC tók við sem íþróttastjóri félagsins í apríl 2021 og sá um innkaup félagsins. Hann hefur vakið athygli fyrir sín störf, náð að fá háar upphæðir sem félagið hefur selt. Hann á stóran þátt í sölunni á Hákoni Arnari Haraldssyni sem Lille keypti á um 17 milljónir evra síðasta sumar.
PC tók við sem íþróttastjóri félagsins í apríl 2021 og sá um innkaup félagsins. Hann hefur vakið athygli fyrir sín störf, náð að fá háar upphæðir sem félagið hefur selt. Hann á stóran þátt í sölunni á Hákoni Arnari Haraldssyni sem Lille keypti á um 17 milljónir evra síðasta sumar.
Hann seldi markvörðinn Kamil Grabara til Wolfsburg í fyrra en náði að halda honum hjá FCK út tímabilið. Ráðamenn hjá Wolfsburg voru það hrifnir af PC í þeirra samskiptum að þeir fengu hann í sínar raðir og mun hann nú starfa fyrir þýska félagið.
PC sá um kaupin á Ísaki Bergmann Jóhannessyni sem kom til FCK frá Norrköping haustið 2021. Hann fékk einnig þá Galdur Guðmundsson (Breiðablik), Gunnar Orra Olsen (Stjarnan) og Viktor Bjarka Daðason (Fram) til félagsins.
Athugasemdir