Í aðdraganda atviksins.
Leikur Leiknis og Keflavíkur á mánudagskvöld var svokallaður fjögurra Sindra leikur þar sem fjórir leikmenn á vellinum báru nafnið Sindri. Þrír þeirra voru í byrjunarliði Keflavíkur og svo kom Sindri Björnsson inn á hjá Leikni í fyrri hálfleik.
Lestu um leikinn: Leiknir R. 1 - 2 Keflavík
Sindri Björnsson og nafni hans Sindri Snær Magnússon fóru í návígi eftir tæplega 40 mínútna leik sem endaði með því að Sindri Snær fór á hestbak á Sindra Björns.
Eða hestbak? Dæmi hver fyrir sig, atvikið minnir undirritaðan einnig á nautreiðar (e. bullriding).
Hinir Sindrarnir tveir voru þeir Sindri Þór Guðmundsson (hægri bakvörður í leiknum) og Sindri Kristinn Ólafsson markvörður Keflavíkur.
Hafliði Breiðfjörð var með myndavélina að vopni og náði myndum af atvikinu.
Athugasemdir
