Evrópsku liðin eru í lokaundirbúningi fyrir tímabilið sem fer senn að hefjast.
Tottenham og Bayern mættust í æfingaleik í gær og kepptu um Visit Malta bikarinn.
Bayern vann leikinn 3-2 en Dejan Kulusevski kom Tottenham yfir. Dayot Upamecano, Serge Gnabry og Thomas Muller skoruðu mörk Bayern áður en Kulusevski klóraði í bakkann með sínu öðru marki í leiknum.
Það hefur vakið athygli að Harry Kane vildi ekki eiga þann heiður að taka á móti bikarnum gegn sínum gömlu félögum.
PSG og RB Leipzig skildu jöfn 1-1 á heimavelli Leipzig. Everton og Roma gerðu einnig 1-1 jafntefli þar sem Dominic Calvert-Lewin jafnaði metin fyrir Everton.
Harvey Barnes tryggði Newcastle 1-0 sigur á Brest. Þá skoraði Emile Smith Rowe í 2-0 sigri Fulham á Hoffenheim en þetta var annað mark hans í fyrstu tveimur leikjum sínum fyrir félagið eftir komuna frá Arsenal.
Danny Welbeck skoraði tvö mörk þegar Brighton vann Villarreal 4-0. Þá vann Bournemouth 3-2 sigur á Girona.
Harry Kane, who was captain of Bayern Munich, refused to lift the pre-season trophy against his former club Tottenham today ???????? pic.twitter.com/I7uiGW0FRq
— Football on TNT Sports (@footballontnt) August 10, 2024
