Mönnum virðist fara fækkandi sem geta tekið þátt í grannaslagnum um helgina þar sem Tottenham fær Arsenal í heimsókn.
Martin Ödegaard, fyrirliði Arsenal, verður frá næstu þrjár vikurnar eftir að hafa meiðst á ökkla í sigri Noregs gegn Austurríki í Þjóðadeildinni.
Yves Bissouma skoraði sigurmark Malí gegn Esvatíni í undankeppni Afríkumótsins í gær en hann þurfti að fara af velli vegna meiðsla. Það er ekki ljóst hversu alvarleg meiðslin eru en hann gæti verið fjarverandi um helgina.
Tottenham dæmdi miðjumanninn í bann eftir að hann birti myndband þar sem hann var að anda að sér hlátursgasi. Hann missti af fyrsta leik tímabilsins en hefur spilað síðustu tvo. Hann skoraði stórkostlegt mark í 4-0 sigri á Everton og lék í tapi gegn Newcastle.
Athugasemdir
