Ashley Young, leikmaður Inter á Ítalíu, er með Covid-19, en ítalska félagið greindi frá þessu í gær.
Þessi 35 ára gamli bakvörður gekk til liðs við Inter í janúar eftir að hafa spilað með Manchester United í níu ár.
Hann hefur tekið þátt í öllum leikjum Inter í ítölsku deildinni á þessari leiktíð en hann byrjaði fyrstu tvo leikina en kom svo af bekknum í 1-1 jafnteflinu gegn Lazio fyrir landsleikjahlé.
Young fór í skimun fyrir Covid-19 á laugardaginn og var prófið jákvætt. Hann mun því fylgja settum reglum og verður því í einangrun næstu tvær vikurnar.
Þetta er þriðja smitið á stuttum tíma úr herbúðum Inter en Alessandro Bastoni og Milan Skriniar eru einnig með veiruna.
Hann missir því af nágrannaslagnum við AC Milan en leikurinn fer fram næstu helgi.
Athugasemdir
