„Mér finnst þetta vera leiðinlegt fyrir hann," sagði Erik Hamren, landsliðsþjálfari Íslands, á fréttamannafundi í dag aðspurður út í Marco Rossi landsliðsþjálfara Ungverja.

Rossi greindist í dag með kórónuveiruna og verður ekki á hliðarlínunni í leiknum gegn Íslandi á morgun.

„Það er slæm staða í öllum heiminum. Ég vorkenni honum að missa af leiknum."

„Það hefði verið gaman að takast í hendur fyrir og eftir leik. Við einbeitum okkur auðvitað að okkar hlutum."