Stjörnuleikmaðurinn Kylian Mbappe fór meiddur af velli í 3-2 sigri Real Madrid á Atalanta í gær en Carlo Ancelotti, þjálfari liðsins, segir meiðslin ekki alvarleg.
Mbappe skoraði tólfta mark sitt á tímabilinu er hann kom Madrídingum í forystu snemma leiks.
Markið var sérstaklega flott en hann tók frábæra fyrstu snertingu framhjá varnarmanni Atalanta áður en hann þrumaði boltanum í netið.
Hálftíma síðar lagðist Mbappe í grasið og bað um skiptingu, en Ancelotti er bjartsýnn á að hann verði ekki lengi frá.
„Þetta lítur ekki alvarlega út. Þetta var ofhleðsla,“ sagði Ancelotti.
Real Madrid vann þriðja leik sinn í keppninni í ár og ansi mikilvægan sigur í baráttu um að komast áfram í útsláttarkeppnina.
Athugasemdir
