Ísak Snær Þorvaldsson.
Ísak Snær Þorvaldsson mun missa af byrjun norsku úrvalsdeildarinnar með Rosenborg eftir að hafa gengist undir aðgerð á nára í dag.
Þetta kemur fram á heimasíðu Rosenborg.
Þetta kemur fram á heimasíðu Rosenborg.
„Við tókum ákvörðun að Ísak þyrfti að fara í aðgerð út af náravandræðum sem hafa verið að angra hann," segir Alfred Johansson, þjálfari Rosenborg.
„Hann mun því miður missa af næstu æfingaleikjum og verður ekki með í upphafi deildarinnar."
Rosenborg er á leið í æfingaferð til Marbella og verður Ísak ekki með liðinu þar.
Rosenborg hefur leik í norsku úrvalsdeildinni þann 1. apríl næstkomandi gegn Sandefjord.
Ísak er á leið inn í sitt annað tímabil með félaginu en hann skoraði fimm mörk í 18 deildarleikjum með liðinu á síðustu leiktíð.
Athugasemdir
