sun 12. mars 2023 18:54
Jóhann Þór Hólmgrímsson
Garnacho yfirgaf Old Trafford á hækjum - „Slæm tækling"
Mynd: Getty Images

Casemiro er á leið í fjögurra leikja bann eftir að hafa fengið sitt annað rauða spjald á tímabilinu í markalausu jafntefli gegn Southampton í dag.


Hann mun missa af leik gegn Fulham í FA bikarnum og leikjum í úrvalsdeildinni gegn Newcastle á útivelli og gegn Brentford og Everton á Old Trafford.

Þá er óvíst með þátttöku unga leikmannsins Alejandro Garnacho. Hann byrjaði á bekknum í dag en kom inná í seinni hálfleiknum en meiddist eftir að Kyle Walker-Peters tæklaði hann.

Hann sást yfirgefa völlinn á hækjum og með spelku utanum fótinn en Erik ten Hag var spurður út í meiðslin eftir leikinn.

„Já, þetta var slæm tækling. Ökklinn snérist, ég tók enga áhættu og tók hann útaf," sagði Ten Hag í samtali við MUTV.


Athugasemdir
banner
banner
banner
banner