Tveir frá Man Utd koma til greina sem besti ungi leikmaðurinn

Bukayo Saka, leikmaður Arsenal, og Cole Palmer, leikmaður Chelsea, eru meðal þeirra sem koma til greina til að hljóta verðlaun sem ungi leikmaður ársins í ensku úrvalsdeildinni.

Samtök atvinnufótboltamanna á Englandi standa fyrir kjörinu en Saka vann verðlaunin á síðasta ári.

Palmer er talinn sigurstranglegur en hann kom með beinum hætti að 33 mörkum fyrir Chelsea á síðasta tímabili. Hann skoraði 22 mörk og lék svo með enska landsliðinu á EM.

Tveir leikmenn Manchester United eru tilnefndir; Kobbie Mainoo og Alejandro Garnacho, markaskorarar liðsins í úrslitaleik FA bikarsins.

Þá Michael Olise, sem gekk í raðir Bayern München frá Crystal Palace í sumar, einnig á listanum og líka Joao Pedro hjá Brighton.

Þriðjudaginn 20. ágúst verða úrslit kunngjörð.