Heimild: mbl
Sigurður Bjartur frábær.
Björn Daníel.
Heimir Guðjóns.
Sigurður Bjartur Hallsson var besti maður vallarins á Kaplakrikavelli þegar FH kom til baka og vann 3-2 sigur á ÍA í kvöld. ÍA byrjaði mikið mun betur og var verðskuldað 0-2 yfir eftir 35 mínútna leik.
Í kjölfarið lét Heimir Guðjónsson óánægju sína í ljós með sinn fyrrum liðsfélaga, Dean Martin, og bæði þjálfari FH og aðstoðarþjálfari ÍA fengu rauða spjaldið. Heimir var ósáttur með Deano sem hélt á boltanum þegar FH ætlaði að taka innkast og fóru þeir enni í enni.
Í kjölfarið lét Heimir Guðjónsson óánægju sína í ljós með sinn fyrrum liðsfélaga, Dean Martin, og bæði þjálfari FH og aðstoðarþjálfari ÍA fengu rauða spjaldið. Heimir var ósáttur með Deano sem hélt á boltanum þegar FH ætlaði að taka innkast og fóru þeir enni í enni.
Lestu um leikinn: FH 3 - 2 ÍA
En aftur að Sigurði Bjarti og hans þætti í sigrinum. Hann skoraði annað og þriðja mark FH liðsins, fyrra markið var „Sigga Hall special", laglegt vippumark og seinna markið var sömuleiðis mjög vel tekið eftir undirbúning frá Einari Karli Ingvarssyni. Sigurður Bjartur var að skora sitt sjöunda og áttunda mark í Bestu deildinni í sumar.
Fyrirliðinn Björn Daníel Sverrisson ræddi við mbl.is eftir leikinn.
„Ég er þakklátur Sigurði Bjarti sérstaklega sem tók liðið á bakið og kláraði þennan leik fyrir okkur. Hann var gjörsamlega geggjaður."
„Þrátt fyrir að bæði ég og Kjartan höfum klikkað á vítum þá leið mér alltaf eins og við værum að fara jafna þennan leik. Síðustu 7-8 mínúturnar í fyrri hálfleik og nánast allan seinni hálfleik fannst mér við vera með öll völd á vellinum."
„Fyrstu 35 mínúturnar í leiknum gátum við hins vegar gjörsamlega ekkert í leiknum og vorum algjörlega ömurlegir. En þetta var frábær sigur og ég er þakklátur Sigurði Bjarti fyrir hans framlag í þessum leik," sagði Björn Daníel við Jón Kristin Jónsson.
Eins og fyrirliðinn nefnir þá klikkuðu hann og Kjartan Kári Halldórsson úr vítaspyrnum í leiknum. Árni Marinó Einarsson varði vel frá Kjartani Kára og skutlaði sér svo ekki þegar Björn Daníel vippaði á markið, ansi lélegt þegar það klikkar.
„Ég er reyndar alveg brjálaður út í Árna Marinó að skutla sér ekki," sagði Björn Daníel og hló. „Ég bjóst alltaf við því að hann myndi skutla sér í vítinu. Svona er þetta og við bökkuðum hvorn annan upp og það er það sem þurfti í kvöld. Frábær liðssigur í kvöld. Síðan var Heimir masterclass að láta reka sig út af þarna og kveikja í okkur."
„Við vissum að gamli væri brjálaður yfir frammistöðunni. Ég sá hann glotta þegar hann fékk rauða spjaldið," sagði Björn Daníel og er tekið fram að hann hafi sagt það í kaldhæðni.
Viðtalið má nálgast í heild sinni hér.
Athugasemdir
