Ísabella Eva Aradóttir, fyrirliði HK, er búin að framlengja samning sinn við félagið til þriggja ára.
Þetta eru frábær tíðindi fyrir Kópavogsstúlkur þar sem Ísabella Eva, sem er fædd 1999, er lykilleikmaður liðsins og er með 141 leik að baki fyrir meistaraflokk.
Ísabella er uppalin hjá HK og stefnir með félaginu upp í efstu deild á þessu ári. HK leikur í Lengjudeildinni eftir að hafa endað í fjórða sæti í fyrra.
„Hún sýnir með þessu samningi mikla trú og tryggð við félagið og stefnu þess. Nokkuð sem er félaginu svo gott sem ómetanlegt," segir í yfirlýsingu frá HK.
Athugasemdir
