Hinir bandarísku Glazer bræður hyggjast selja United og vilja fá staðfest tilboð á næstu dögum.

Það hefur helst verið talað um tilboð frá Emírnum í Katar og frá ríkasta manni Bretlands, Sir Jim Ratcliffe.

Núna er Musk, sem er eigandi Teslu og Twitter, sagður íhuga það að gera tilboð í félagið. Hann hefur áður ýjað að því að hann hefði áhuga á að kaupa félagið.

„Ég er ekki að fara að kaupa neitt íþróttafélag. En ef ég myndi gera það, þá myndi ég kaupa Manchester United. Það var mitt uppáhalds félag í æsku," sagði Musk í ágúst síðastliðnum.