„Hann fór í aðgerð og þetta verða 3-5 mánuðir. Við horfum frekar á þrjá mánuðina heldur en fimm. Ef það eru þrír þá snýr hann til baka einhvern tímann í maí. Ef það er ekki þá erum við að tala um júlí, augljóslega betra fyrir okkur ef það verður í maí," sagði Arnar.

Danski framherjinn á að baki 143 leiki fyrir Val í efstu deild og hefur í þeim skorað 87 mörk. Hann skoraði átta mörk í 22 leikjum í fyrra.

Arnar lítur á Tryggva Hrafn Haraldsson og Aron Jóhannsson sem kost í framherjastöðuna og þá er Andri Rúnar Bjarnason að ganga í raðir félagsins.