Alonso, Neto, Eze, Greenwood, Ramaj, Alli, Son og fleiri góðir í slúðri dagsins
   þri 13. febrúar 2024 10:16
Elvar Geir Magnússon
Guardiola var ekki ánægður með líkamstjáningu Haaland
Mynd: EPA
Pep Guardiola stjóri Manchester City segir að líkamstjáning sóknarmannsins Erling Haaland í fyrri hálfleiknum gegn Everton hafi ekki verið góð. Hann segir að Norðmaðurinn þurfi að halda í jákvæðnina þó hann sé ekki sjálfur að skora.

Haaland var augljóslega pirraður á laugardaginn en hann náði ekki að skora í fyrri hálfleik. Hann gerði svo gæfumuninn í seinni hálfleik með því að skora á 71. og 85. mínútu.

Þetta voru fyrstu mörk Haaland í hans þriðja leik eftir að hafa verið frá í tvo mánuði vegna meiðsla.

„Þessi mörk munu hjálpa honum mikið, hreinsa hugann. Ég var ekki ánægður með líkamstjáningu hans í fyrri hálfleik. Þetta var mun betra í þeim seinni. Hann er í betra skapi þegar hann skorar," segir Guardiola,

„Hann verður að læra að þó hann sé ekki að skora þá þarf líkamstjáningin að vera rétt. Hann þarf að halda í jákvæðnina og segja við sjálfan sig að markið muni koma."

Haaland verður væntanlega í byrjunarliði Manchester City í kvöld þegar liðið leikur fyrri leik sinn gegn FC Kaupmannahöfn í Meistaradeildinni í kvöld. Hann er með 21 mark í 25 leikjum í öllum keppnum.

„Ég er ekki að kvarta yfir Erling, hann er með ótrúlega markatölfræði. Hann er ungur og er að spila í erfiðustu stöðu á vellinum þar sem fjórir til fimm leikmenn eru alltaf að reyna að stoppa hann. Í fyrri hálfleiknum gegn Everton var hann ekki að fá réttu sendingarnar en svo kom Kevin De Bruyne inn og hann gat komið inn með þessar sendingar."
Athugasemdir
banner
banner
banner
banner
banner