Frenkie de Jong hefur verið að spila gríðarlega vel á miðjunni hjá Barcelona sem er með 9 stiga forystu á Real Madrid á toppi spænsku deildarinnar.
Hann átti frábæran leik í sigri liðisins gegn Athletic Bilbao í gær en Xavi stjóri liðsins hrósaði hollenska miðjumanninum í hástert eftir leikinn.
„Frenkie de Jong er einn besti miðjumaður í heimi um þessar mundir. Hann er að spila stórkostlega, hann gefur okkur mikið, ég er svo ánægður með hann," sagði Xavi.
De Jong var mikið orðaður við Manchester United í sumar en hann sagði sjálfur á dögunum að hann hafi verið viss um að hann myndi alltaf enda hjá Barcelona.
Athugasemdir
