Scamacca skoraði 16 mörk í 36 Serie A leikjum með Sassuolo áður en hann var keyptur til West Ham. Ítalskir fjölmiðlar eru byrjaðir að orða sóknarmanninn við endurkomu í ítalska boltann næsta sumar.

Mynd: EPA

Scamacca, sem er 24 ára gamall, hefur aðeins gert 3 mörk í 16 úrvalsdeildarleikjum en á þó 4 mörk í 8 leikjum í Sambandsdeildinni.

David Moyes, knattspyrnustjóri Hamranna, er sáttur með tæknilega getu Scamacca en telur vanta uppá líkamsburðina.

„Við vitum að líkamleg tölfræði hjá honum er langt frá því að vera nógu góð," sagði Moyes eftir 1-1 jafntefli á heimavelli gegn Aston Villa þar sem Scamacca var ónotaður varamaður.

„Gianluca verður að koma sér á réttan stað. Sem þjálfari þá verð ég að velja það lið sem ég tel líklegast til að skila mér árangri.

„Vinnuframlagið er til staðar og hann er mjög góður fótboltamaður. Hann er sérstaklega góður að halda boltanum og tengja miðjuna við sóknina en honum tekst ekki að koma því nógu vel til skila inná fótboltavellinum."