Er stutt í einhvern af þessum leikmönnum? „Ég vildi að ég gæti sagt það en ég er ekkert viss um það. Ég hugsa að það sé styst í Rodri. Ég hugsa að hann verði klár (í næsta leik), veit ekki með Jonathan," sagði Arnar.

Bjarni Aðalsteinsson lék sinn fyrsta leik í sumar þegar hann kom inn á sem varamaður. Hann kom til Akureyrar í nótt eftir flug frá Bandaríkjunum þar sem hann hefur verið í skóla.

„Hann kom bara í nótt, það er ekki besti undirbúningurinn, hann er ekki búinn að æfa með okkur. Hann nær einhverjum æfingum núna fram að næsta leik, gæti spilað meir en fimm mínútur í næsta leik. Hann er öflugur strákur."

KA var að skoða að fá inn kantmann eða sóknarmann inn fyrir lok gluggans. Hvernig fór það?

„Þú getur séð það, við erum ekki búnir að signa neinn. Það er bara svoleiðis. Auðvitað hefði það verið gott að geta fengið einhvern inn í þrjá mánuði á meðan við fáum menn til baka. Tekið svo stöðuna. Við erum smá veseni í bakvörðunum eftir að Ívar, Hrannar og Jonathan duttu út," sagði Addi. Viðtalið má sjá hér að neðan.

KA sækir Keflavík heim á mánudag í 4. umferð Pepsi Max-deildarinnar.