Líkleg byrjunarlið KR og Breiðabliks

Það eru flottir leikir í Pepsi Max-deildinni í kvöld, þar á meðal er viðureign KR og Breiðabliks sem fram fer í Vesturbænum. Flautað verður til leiks klukkan 19:15.

KR-ingar spiluðu ekki í síðustu umferð þar sem þeir áttu að mæta Stjörnunni sem var í sóttkví. Við spáum óbreyttu byrjunarliði frá síðasta leik, sigurleiknum gegn Víkingi.

Breiðablik hefur spilað 4-2-3-1 í síðustu tveimur leikjum og Fótbolti.net spáir því sama í kvöld. Thomas Mikkelsen byrjaði úti vinstra meginn gegn FH en hann gæti farið aftur fremst í kvöld. Fótbolti.net spáir því að Kwame Quee byrji á kantinum og Kristinn Steindórsson fari á bekkinn.