„ Við fengum möguleika hérna í lokin eftir horn og svona fyrirgjöf möguleika víti og eitt atvik í fyrri hálfleik líka þar sem mér finnst brotið á Stebba (Stefáni Ljubicic) inni í teig þegar hann er að fara að skalla boltann en öðru sköpuðum við ekki mikið af færum eða hvorugt liðið skapaði mikið af færum." voru fyrstu viðbrögð Brynjar Björns Gunnarssonar þjálfara HK.
Lestu um leikinn: HK 0 - 0 Víkingur R.
„Jöfn og góð lið og kannski mismunurinn var að Víkingar spila með aðeins meira sjálfstraust en við."
Það var mikill hraði og ákefð á vellinum í dag en lítið var um færi í Kórnum í kvöld.
„Fínn leikur en eins og þú segir bæði lið gáfu lítil færi á sér og vörðust vel og þar með sat og það er kannski ekki mikið um það að segja. Við verðum að virða þetta stig en ég er svekktur að fá ekki þrjú stig á heimavelli."
Martin Rauschenberg og Guðmundur Þór Júlíusson voru frábærir í miðverðinum hjá HK í kvöld og skölluðu hvern boltan á fætur öðrum í burtu og Brynjar Björn var sáttur með varnarleik liðsins í kvöld.
„Já gríðarlega. Þeir stóðu sig vel í dag. Vörðu teiginn og markið vel og sama skapi voru allir að vinna fyrir sínu og vinna fyrir hvorn annan og það er það sem við þurfum í framhaldinu."
Viðtalið í heild sinni má sjá í sjónvarpinu hér að ofan.
Athugasemdir
