„Leiðinlegt að tapa, alltaf leiðinlegt að tapa fótboltaleikjum," sagði Valdimar Þór Ingimundarson, fráfarandi leikmaður Fylkis, í viðtali eftir tap gegn KA.

Lestu um leikinn: KA 2 -  0 Fylkir

„Þetta var hægt hjá okkur, gerðum þetta ekki nógu vel, fengum leiðinleg mörk á okkur og náðum ekki að skora."

Fylkir var meira með boltann í leiknum á meðan KA varðist vel. Hvers vegna náði Fylkir ekki að búa til opin tækifæri?

„Þeir lágu neðarlega og gerðu það vel. Við hreyfðum boltann ekki nógu vel og það var eitthvað sem vantaði hjá okkur í dag, því miður."

Valdimar var spurður út í vítaspyrnuna sem fór forgörðum hjá sér í kvöld. Ótrúlega óvænt játti hann því að það væri leiðinlegt að klúðra vítum.

Leiðinlegt en getur ekki sagt nei við þessu
Valdimar er að ganga í raðir Strömsgodset sem leikur í efstu deild í Noregi. Valdimar segir þetta hafa verið síðasta leikinn með Fylki í bili.

Hvernig líður honum með að vera genginn í raðir norska félagsins? „Það er bara spennandi. Ég er spenntur og hlutirnir skýrast frekar þegar ég er mættur."

Var Valdimar í viðræðum við mörg lið? „Ég ætla ekki að tala um það."

Er Strömsgodset með hlutverk klárt fyrir Valda? „Það er á milli mín og Strömsgodset og það verður bara þannig."

Er erfitt að fara frá Fylki á miðri leiktíð? „Það er mjög leiðinlegt, hefði viljað klára tímabilið en þetta er eitthvað sem þú getur ekki sagt nei við," sagði Valdimar að lokum.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit