Carragher hrósar Howe fyrir að ná öllu úr leikmönnum Newcastle

Liðið er í þriðja sæti ensku úrvaldeildarinnar með 30 stig og hefur Newcastle einungis tapað einum leik á tímabilinu og þá fékk liðið á sig mark mjög seint í upppbótartíma á Anfield.

„Eddi Howe er sá stjóri sem er að fá mest frá leikmönnum sínum af stjórum í deildinni," sagði Carragher.

„Á meðan getur þú ekki trúað því að Chelsea eyddi 275 milljónum punda í sumar í leikmannahóp sem hefur verið mjög góður síðustu tímabil."

Það hefur gengið bölvanlega hjá Graham Potter og Chelsea upp á síðkastið. Liðið er í áttunda sæti deildarinnar en Potter vann sína fyrstu fimm leiki hjá Chelsea áður en það fór að halla undan fæti.