Enski reynsluboltinn James Milner skrifaði sig í sögubækurnar í gær er hann spilaði 600. deildarleik sinn í ensku úrvalsdeildinni.
Milner, sem er 36 ára gamall, kom inná sem varamaður í 3-1 sigri Liverpool á Southampton á Anfield í gær.
Hann hefur beðið lengi eftir þessum leik enda var þetta 600. leikur hans í deildinni. Milner hefur spilað 211 deildarleiki fyrir Liverpool, 147 fyrir Manchester City, 100 fyrir Aston Villa, 94 fyrir Newcastle United og 48 fyrir Leeds.
Aðeins þrír aðrir hafa náð þessum merka áfanga. Gareth Barry, Ryan Giggs og Frank Lampard.
Milner á ekki langt í metið. Barry lék 653 leiki í deildinni og þá lék Giggs 632 leiki en Milner þarf aðeins að spila tíu leiki til að komast yfir Lampard, en hann er með 609 leiki.
Samningur Milner rennur út á næsta ári og er ekki ljóst hvort hann framlengi um annað ár, en ef það verður ekki í boði þá er það löngu skrifað í skýin að hann ljúki ævintýrinu á staðnum þar sem ferillinn hófst — hjá Leeds United.
Nice to sign off for the break with an important win and to make my 600th @premierleague appearance👨🦳.#YNWA pic.twitter.com/7DXlvLLPrW
— James Milner (@JamesMilner) November 12, 2022
Athugasemdir
