PSG er undir í viðureigninni gegn Bayern Munchen eftir leik liðanna í París í kvöld.
Kingsley Coman, sem er uppalinn hjá PSG skoraði eina mark leiksins fyrir Bayern.
Christophe Galtier stjóri PSG hefur verið gagnrýndur fyrir liðsuppstillinguna og uppleggið í kvöld en liðið sá ekki til sólar í fyrri hálfleik.
Hinn 16 ára gamli Warren Zaire-Emery byrjaði leikinn á miðjunn og þá fann Neymar sig engan vegin í leiknum. Kylian Mbappe kom inn á snemma í síðari hálfleik og frískaði upp á leik liðsins en hann var að jafna sig af meiðslum.
„Auðvitað er svekkelsi en við vissum að það myndi enginn falla úr leik í kvöld. 1-0 eru neikvæð úrslit og nú verðum við að fara og vinna þá í Munchen ef við ætlum að eiga möguleika á því að komast áfram," sagði Galtier.
