Kjartan Kári Halldórsson samkvæmt heimildum Fótbolta.net á leið í FH á láni frá norska félaginu Haugesund. Sóknarmaðurinn var markahæsti leikmaður Lengjudeildarinnar í fyrra og samdi við norska úrvalsdeildarfélagið í vetur. Lánssamningurinn verður út tímabilið og verður hann líklega kynntur hjá FH á morgun.
Kjartan skoraði sautján mörk í nítján leikjum fyrir uppeldisfélagið sitt Gróttu í Lengjudeildinni í fyrra. Þá skoraði hann þrjú mörk í þremur leikjum í Mjólkurbikarnum.
Kjartan skoraði sautján mörk í nítján leikjum fyrir uppeldisfélagið sitt Gróttu í Lengjudeildinni í fyrra. Þá skoraði hann þrjú mörk í þremur leikjum í Mjólkurbikarnum.
Kjartani stóð samkvæmt heimildum Fótbolta.net til boða að fara á láni í OBOS deildina í Noregi, næstefstu deild, eða spila í efstu deild á Íslandi. Honum stóðu nokkrir valkostir til boða á báðum stöðum en á endanum varð FH fyrir valinu.
Kjartan verður tvítugur í júlí, hann er unglingalandsliðsmaður sem á að baki þrettán leiki fyrir yngri landsliðin.
Athugasemdir
