Southampton vill vera búið að ráða nýjan stjóra fyrir leik liðsins gegn Chelsea um næstu helgi.

Steven Gerrard og Frank Lampard voru einnig á lista ráðamanna hjá Southampton en Marsch virðist vera fá starfið hjá botnliðinu, lokaákvörðun verður væntanlega tekin í dag.

Marsch var tæpt ár í starfi hjá Leeds, tók við af Marcelo Bielsa og náði einhvern veginn aldrei að vinna stuðningsmenn á sitt band. Southampton hefur vitað af Marsch síðan hann stýrði New York Red Bulls og er með reynslu af því að starfa í Red Bull kerfinu líkt og Ralph Hasenhuttl sem stýrði Southampton áður en Nathan Jones tók við.

Marsch er sagður svipaður og Hasenhuttl varðandi leikfræði sína, t.d. þegar kemur að pressu. Hann varð áfram á Englandi eftir að hafa fengið sparkið frá Leeds og virðist vera að taka við nýju starfi.

Nathan Jones tók við Southampton fyrr á tímabilinu og stýrði liðinu einungis í fjórtán leiki og vann einungis einn þeirra.