PSG mætti varla til leiks í fyrri hálfleik en yfirburðir Bayern voru miklir þó hvorugu liðinu tókst að skora.
Það var hins vegar snemma í síðari hálfleik sem Kingsley Coman kom Bayern yfir gegn sínum gömlu félögum þegar hann átti skot beint á Gianluigi Donnarumma sem var ekki nógu snöggur að bregðast við.
Kylian Mbappe er að jafna sig af meiðslum og byrjaði á bekknum en hann kom inn á strax eftir markið.
Það breytti leik PSG mikið og liðið tók yfir leikinn.
Mbappe kom boltanum í netið eftir skemmtilegt samspil við Nuno Mendes sem var frábær í síðari hálfleiknum en hann var dæmdur rangstæður í aðdragandanum.
PSG tókst ekki að jafna metin en Benjamin Pavard varnarmaður Bayern verður í banni í síðari viðureigninni eftir að hafa fengið sitt annað gula spjald og þar með rautt í uppbótartíma.
Brahim Diaz var hetja AC Milan á heimavelli gegn Tottenham en hann skoraði eina mark leiksins í fyrri hálfleik.
Milan 1 - 0 Tottenham
1-0 Brahim Diaz ('7 )
Paris Saint Germain 0 - 1 Bayern
0-1 Kingsley Coman ('53 )
Rautt spjald: Benjamin Pavard, Bayern ('90)
