þri 14. febrúar 2023 14:01
Elvar Geir Magnússon
Stefnir í að Leeds ráði tímabundinn stjóra út tímabilið
Andoni Iraola útilokar að skipta um starf á þessum tímapunkti.
Andoni Iraola útilokar að skipta um starf á þessum tímapunkti.
Mynd: Getty Images
Mynd: Getty Images
Guardian segir að allt stefni í að Leeds United fari í ráðningu á stjóra tímabundið, út tímabilið, eftir að ljóst var að Andoni Iraola vill ekki yfirgefa Rayo Vallecano á miðju tímabili.

Stjórn Leeds fundaði um stjóramálin í gær en ljóst er að Alfred Schreuder, fyrrum stjóri Ajax, verður ekki ráðinn.

Schreuder er einn af þeim sem Victor Orta, yfirmaður fótboltamála hjá Leeds, hefur rætt við. Jesse Marsch var rekinn í síðustu viku en stuðningsmenn Leeds vilja fá mann með öflugri ferilskrá en Schreuder býr yfir.

Stjóraleit Leeds hefur ekki gengið að óskum en í síðustu viku hafnaði Arne Slot, stjóri Feyenoord, því að taka við liðinu og Carlos Corberan skrifaði undir nýjan samning við West Brom.

Leeds er enn með þrjú til fjögur nöfn á blaði en allir aðilar virðast ekki fáanlegir fyrr en í fyrsta lagi eftir tímabilið.

Efstur á þeim lista er Andoni Iraola. Marcelo Gallardo, sem yfirgaf River Plate í október, hefur einnig verið nefndur en hann vill ekki taka við liði á miðju tímabili.

Leeds skoðar nú stjóra sem gætu tekið við liðinu tímabilið og forðað því frá falli úr úrvalsdeildinni. Michael Skubala hefur stýrt Leeds í síðustu tveimur leikjum en félagið vonast til að fá nýjan mann við stjórnvölinn þegar kemur að svakalegum fallbaráttuslag við Everton á laugardaginn.

Viku síðar verður leikið gegn Southampton en Marsch virðist vera að taka við Dýrlingunum, sem gerir þann leik einstaklega áhugaverðan.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner