Ítalski knattspyrnustjórinn, Maurizio Sarri sem stjórnaði Chelsea á nýafstöðnu leiktímabili verður kynntur til leiks sem nýr þjálfari Ítalíu meistara Juventus í dag. Sky Sports greinir frá þessu í morgun.
Juventus hefur náð samkomulagi við Chelsea um að greiða félaginu bætur en Sarri var samningsbundinn Chelsea eftir að hafa tekið við liðinu fyrir síðasta tímabil. Hann gerði Chelsea að Evrópudeildarmeisturum eftir sigur á Arsenal í úrslitaleiknum. Þá endaði Chelsea í 3. sæti ensku úrvalsdeildarinnar á eftir Liverpool og Manchester City.
Sarri skrifar undir þriggja ára samning við Juventus en hann tekur við liðinu af Massimiliano Allegri sem þjálfað hefur Juventus frá árinu 2014. Allegri hefur gert Juventus að Ítalíumeisturum öll árin.
Athugasemdir