Hinn 19 ára gamli Jeanuël Belocian gengur til liðs við félagið fyrir 15 milljónir evra og kemur hann úr röðum Rennes í Frakklandi.

Belocian tók þátt í 27 leikjum með Rennes á síðustu leiktíð, þar af spilaði hann 23 leiki í efstu deild franska boltans.

Belocian var lykilmaður í U17 liði franska landsliðsins og á tvo leiki að baki fyrir U21 liðið þrátt fyrir ungan aldur.

Í heildina hefur Belocian spilað 30 leiki fyrir yngri landslið Frakklands en hann átti aðeins eitt ár eftir af samningi sínum við Rennes.

Leverkusen hefur fylgst með Belocian í langan tíma og var leikmaðurinn staðráðinn í að skipta yfir til Þýskalands til að halda áfram að þróa sinn leik.

Belocian skrifar undir fimm ára samning við Leverkusen, sem gildir þar til í júní 2029.