Einn leikmaður Grindavíkur greindist í gær smitaður með Covid-19 veiruna.
Þetta staðfesti Sigurbjörn Hreiðarsson, þjálfari Grindavíkur við Fótbolta.net í morgun.
„Það kemur allt í ljós hvaða áhrif þetta hefur. Við látum daginn líða, bíðum og sjáum. Það var ekki skipulögð æfing í dag," sagði Bjössi.
Aðrir leikmenn hafa ekki verið skipaðir í sóttkví til þessa.
Grindavík er í fjórða sæti Lengjudeildar karla en áætlað er að liðið muni mæta Þór á föstudaginn.
Þetta staðfesti Sigurbjörn Hreiðarsson, þjálfari Grindavíkur við Fótbolta.net í morgun.
„Það kemur allt í ljós hvaða áhrif þetta hefur. Við látum daginn líða, bíðum og sjáum. Það var ekki skipulögð æfing í dag," sagði Bjössi.
Aðrir leikmenn hafa ekki verið skipaðir í sóttkví til þessa.
Grindavík er í fjórða sæti Lengjudeildar karla en áætlað er að liðið muni mæta Þór á föstudaginn.
Uppfært, Grindavík sendi frá sér yfirlýsingu:
Í gærkvöldi greindist leikmaður hjá meistaraflokki karla hjá Grindavík jákvæður fyrir Covid-19 smiti. Umræddur leikmaður er bólusettur líkt og allir aðrir leikmenn meistaraflokka félagsins. Leikmaðurinn er kominn í einangrun og finnur ekki fyrir einkennum.
Næstu skref voru ákveðin í samráði við smitrakningateymi sem telur ekki þörf á því að neinn úr leikmannahópnum eða starfsliði Grindavíkur þurfi að fara í sóttkví að svo stöddu.
Stjórn félagsins og þjálfarar ákváðu í gærkvöldi að senda alla leikmenn liðsins í sýnatöku í dag til að ná strax utan um umfangið á málinu. Nú þegar hefur meirihluti liðsins og starfslið farið í sýnatöku.
Við vonum að málið fái farsælan endi þegar niðurstöður úr sýnatöku liggja fyrir síðar í dag. Félagið hefur nú þegar gert KSÍ og Grindavíkurbæ viðvart um málið.
Athugasemdir
