Sádi-arabíska félagið Al Ittihad hefur ítrekað það að franski miðvallarleikmaðurinn N'Golo Kanté sé ekki til sölu í þessum glugga.
Kanté var einn af bestu mönnum franska landsliðsins á Evrópumótinu í sumar og hafa nokkur félög verið að horfa ti hans í glugganum.
Atlético Madríd og West Ham hafa bæði sýnt honum áhuga, en Al Ittihad hefur þó engan áhuga á að selja.
Félagið lítur á hann sem mikilvægan leikmann í uppbyggingu fótboltans þar í landi og verður hann því áfram á komandi tímabili.
Kanté er 33 ára gamall. Hann vann ensku úrvalsdeildina með bæði Chelsea og Leicester ásamt því að hafa orðið heimsmeistari með franska landsliðinu árið 2018.
Athugasemdir
