Anthony Taylor rífur upp gula spjaldið

Mynd: Fótbolti.net - Hafliði Breiðfjörð

Það var nóg að gera hjá Anthony Taylor, dómara leiksins, en hann lyfti gula spjaldinu upp sextán sinnum. Aldrei hafa jafn mörg gul spjöld verið gefin í leik í úrvalsdeildinni.

Fjórtán leikmenn fengu spjald í leiknum en það eftirminnilegasta var spjald sem Roberto Sanchez, markvörður Chelsea, fékk fyrir að brjóta á Evanilson, framherja Bournemouth, inn í teignum en Sanchez varði vítaspyrnu frá Evanilson í kjölfarið. Þá fengu stjórar beggja liða gula spjaldið.

Fyrra metið var sett í september á síðasta ári þegar þrettán spjöld fóru á loft þegar Tottenham lagði Sheffield af velli 2-1 á heimavelli. Liðið var undir þegar 98 mínútur voru komnar á klukkuna en mörk frá Richarlison og Dejan Kulusevski tryggðu liðinu sigurinn.