Jón Guðni Fjóluson
Jón Guðni Fjóluson, leikmaður íslenska landsliðsins, fékk langþráð tækifæri í vörn liðsins í 2-0 sigrinum á Andorra í undankeppni EM í kvöld.
Lestu um leikinn: Ísland 2 - 0 Andorra
Jón Guðni var í vörninni með Ragnari Sigurðssyni í kvöld og komst vel frá leiknum.
„Þetta snýst um að vinna og klára þetta. Við gerðum nóg. Það kom smá kviður í seinni en ekkert til að kvarta yfir þannig."
„Það var mjög skemmtilegt og búinn að bíða lengi eftir þessu tækifæri þannig þetta var fínt," sagði Jón Guðni.
Tyrkland gerði jafntefli við Frakkland og eru því möguleikar Íslands á að fara beint á EM nánast úr sögunni en hann vonast til að Andorra nái að stríða Tyrkjum.
„Það var frekar þungt yfir okkur þegar menn heyrðu að það væri 1-1 í París."
„Það er hæpið en þeir eru líklegir til að missa hausinn á móti þeim, við verðum að vonast eftir því," sagði hann ennfremur.
