Pep Guardiola sagði eftir leikinn að Haaland hefði verið tekinn af velli því hann vildi ekki taka neina áhættu. Þegar Guardiola var spurður út í stöðuna á Haaland í gær vildi hann ekkert gefa upp.

„Við æfum seinni partinn, ég get ekkert sagt núna," sagði Guardiola á fréttamannafundi í gær.

Haaland ferðaðist allavega með liðinu í leikinn en það tók lest til höfuðborgarinnar í morgun. Hinn 22 ára gamli Haaland hefur skorað 25 mörk í 21 deildarleik fyrir City á tímabilinu.

City hrifsar toppsæti ensku úrvalsdeildarinnar af Arsenal ef liðið vinnur leikinn í kvöld. City er án varnarmannsins John Stones sem er meiddur en hjá Arsenal eru Gabriel Jesus, Emile Smith Rowe og Mohamed Elneny allir á meiðslalistanum.