ÍA segir frá því á samfélagsmiðlum í dag að meistaraflokkur félagsins muni spila æfingaleik við U19 landslið karla.
Ólafur Ingi Skúlason, þjálfari U19 landsliðsins, valdi æfingahóp í síðustu viku sem mun taka þátt í þessum leik.
Þetta er liður í undirbúningi liðsins fyrir milliriðla undankeppni EM 2023, en Ísland er þar í riðli með Tyrklandi, Englandi og Ungverjalandi. Riðillinn verður leikinn á Englandi 22.-28. mars næstkomandi.
Haukur Andri Haraldsson, leikmaður meistaraflokks ÍA, er á meðal leikmanna í U19 landsliðinu en hann mun spila gegn sínu eigin félagsliði í kvöld.
„Ykkur er velkomið að kíkja í höllina klukkan 20:00 á miðvikudaginn og horfa á þennan áhugaverða leik," segir í tilkynningu frá ÍA en leikurinn fer fram í Akraneshöllinni.
Hægt er að sjá hópinn hjá U19 landsliðinu fyrir leikinn í kvöld með því að smella hérna.
Athugasemdir