Romelu Lukaku og Nicolo Barella, liðsfélagar hjá Inter á Ítalíu, eiga báðir von á sekt frá félaginu fyrir hegðun sína í síðasta deildarleik gegn Sampdoria á mánudagskvöld.
Leikurinn endaði með markalausu jafntefli, en þeir tóku upp á því að hnakkrífast undir lok fyrri hálfleiks.
Barella sveiflaði höndum sínum upp í loft er Lukaku tapaði boltanum klaufalega. Lukaku brást reiður við því og sagði:
„Ekki gera þetta, hættu þessu. Þetta er móðgandi."
Barella gargaði til baka á Lukaku sem svaraði honum með því að segja: „Fjarðu til fjandans, tíkarsonurinn þinn."
Inter er að rannsaka málið innanbúðar og er talið líklegt að báðir leikmennirnir fái sekt frá félaginu svo þetta gerist ekki aftur. Barella og Lukaku eru sagðir góðir vinir en misstu stjórn á skapi sínu þarna.
Athugasemdir
