Ekki góður dagur hjá PSG í gær
PSG tapaði gegn Bayern Munchen í fyrri leik liðanna í 16 liða úrslitum Meistaradeildarinnar í gær.
Leiknum lauk með 1-0 sigri þýska liðsins en leikurinn fór fram í París. Kingsley Coman, sem er uppalinn hjá PSG skoraði markið.
PSG spilaði mjög illa og sá ekki til sólar í fyrri hálfleik. Kylian Mbappe, sem byrjaði á bekknum þar sem hann er að jafna sig af meiðslum, kom inn á snemma í síðari hálfleik og hleypti lífi í leik liðsins.
Það dugði þó ekki til en leikmenn liðsins voru eftir á vellinum þegar búið var að flauta til leiksloka og gengu upp að hörðustu stuðningsmönnum liðsins og báðu þá afsökunar á tapinu og slæmri frammistöðu.
Þetta var fimmta tap liðsins á þessu almanaksári til þessa en liðið tapaði fjórum leikjum á öllu síðasta ári.
Athugasemdir
