Sergio Ramos, varnarmaður Paris Saint-Germain, var pirraður eftir tap gegn Bayern München í Meistaradeildinni í gær.
Kingsley Coman skoraði eina mark leiksins gegn sínum gömlu félögum þegar hann átti skot beint á Gianluigi Donnarumma sem var ekki nógu snöggur að bregðast við.
PSG tókst ekki að jafna metin, en Benjamin Pavard varnarmaður Bayern verður í banni í síðari viðureigninni eftir að hafa fengið sitt annað gula spjald og þar með rautt í uppbótartíma.
Ramos spilaði í vörn PSG sem tapaði þarna 0-1 á heimavelli sínum. Liðið er ekki í góðum málum fyrir seinni leikinn í Þýskalandi.
Spænski miðvörðurinn var vægast sagt pirraður eftir leik og ýtti við ljósmyndara sem var að reyna að ná myndum af því sem var að gerast inn á vellinum. Hægt er að sjá myndband af atvikinu hér fyrir neðan.
caralho o sergio ramos mano kkkkkkkkkkkkkk pic.twitter.com/D8z6Lh2BaU
— njdeprê - marlon (@njdmarlon) February 15, 2023
Athugasemdir