ÍA dæmdur 3-0 sigur.
Búið er að breyta úrslitunum í leik ÍA og Vestra sem fram fór í Lengjubikar karla síðasta laugardag.
Vestri notaði ólöglegan leikmann í leiknum en inn á vefsíðu KSÍ má sjá að Fatai Gbadamosi er ekki enn búinn að fá félagaskipti frá Kórdrengjum yfir í Vestra.
Fatai spilaði allan leikinn fyrir Kórdrengi í Akraneshöllinni og fékk hann að líta gula spjaldið.
Búið er að dæma ÍA 3-0 sigur, en leikurinn var upprunalega mjög fjörugur og endaði 4-3 fyrir ÍA.
Vestri var 0-3 yfir í hálfleik og stefndi því margt í sigur Vestra í leiknum. Skagamenn kveiktu hins vegar heldur betur á sér í síðari hálfleiknum og var það Viktor Jónsson sem hóf endurkomuna. Haukur Andri Haraldsson minnkaði svo muninn í eitt mark þegar um tuttugu mínútur voru til leiksloka.
Viktor setti sitt annað mark í leiknum og jafnaði metin. Það var svo Gísli Laxdal Unnarsson sem fullkomnaði magnaða endurkomu ÍA og tryggði liðinu sigur í sjö marka leik.
Athugasemdir
