Frá tónleikunum.
Bræðurnir í Oasis heiðruðu minningu Diogo Jota á fyrstu tónleikum sínum í 16 ár í gærkvöldi. Tónleikarnir fóru fram í Cardiff í gærkvöldi og vöktu mikla lukku hjá aðdáendum sveitarinnar.
Þau hörmulegu tíðindi bárust á fimmtudag að Jota, sem lék með Liverpool og portúgalska landsliðinu, hefði látið lífið í bílslysi á Spáni. Hann var bara 28 ára gamall.
Þetta eru fréttir sem slógu marga enda var Jota á hátindi fótboltaferils síns og nýbúinn að gifta sig. Hann lætur eftir sig þrjú ung börn.
Á meðan Oasis bræður sungu lagið 'Live Forever' í gær þá settu þeir upp mynd af Jota á skjá.
Virkilega fallega gert hjá þeim en Gallagher bræður eru mikil fótboltaaðdáendur og styðja við bakið á Manchester City. Fótboltaheimurinn allur syrgir Jota sem var elskaður og dáður af liðsfélögum sínum, sem og af stuðningsmönnum Liverpool.
Live Forever and a beautifully poignant tribute to Diogo Jota as his LFC shirt flashed on to screen @oasis pic.twitter.com/3zAVkkQOHi
— Dianne Bourne (@diannebourne) July 4, 2025
Athugasemdir
