Enska félagið Liverpool ætlar að styðja vel við fjölskyldu Diogo Jota eftir óvænt andlát Portúgalans á dögunum.
Jota, sem var 28 ára gamall, lést í skelfilegu bílslysi ásamt bróður sínum á Spáni aðfaranótt fimmtudags.
Bræðurnir voru bornir til jarðar við fallega athöfn í Gondomar, heimabæ þeirra í Portúgal, í dag.
Fjölskylda bræðranna mun eiga um sárt að binda það sem eftir, en Liverpool ætlar að styðja vel við fjölskyldu Jota. Hann skilur eftir sig eiginkonu og þrjú börn, en samkvæmt Record hefur Liverpool ákveðið að greiða upp allan samning leikmannsins.
Jota átti tvö ár eftir af samningnum og þénar hann um 7,5 milljónir punda í árslaun.
Stuðningurinn verður ekki bara í formi peninga heldur mun það einnig vera til staðar fyrir fjölskylduna, veita þeim ást og umhyggju og um leið hætta að nota treyju númer 20.
Jota spilaði 182 leiki á tíma sínum hjá Liverpool og skoraði 65 mörk.
Portúgalinn var mikill talsmaður fyrir kvennafótboltann og íþróttir, ásamt því að vera með bestu spilurum heims í tölvuleiknum EAFC (áður FIFA).
Athugasemdir
