Landsliðsmaðurinn, Arnór Ingvi Traustason leikmaður Malmö í Svíþjóð var borinn af velli í fyrri hálfleik þegar Djurgarden og Malmö mættust í sænsku úrvalsdeildinni í gær.
Arnór ætlaði þá að ná til boltans á vítateigslínu Malmö og leikmaður Djurgarden virtist ætla sér það sama en fór í stað þess harkalega í löppina á Arnóri.
Arnór ætlaði þá að ná til boltans á vítateigslínu Malmö og leikmaður Djurgarden virtist ætla sér það sama en fór í stað þess harkalega í löppina á Arnóri.
Myndband af þessari hrottalegu tæklingu má sjá með því að smella hér.
Óttast var að Arnór Ingvi hefði fótbrotnað í kjölfarið en nú hefur það verið staðfest að Arnór Ingvi sé óbrotinn.
Jesper Robertsson, sjúkraþjálfari Malmö, segir á heimasíðu félagins að myndataka hafi leitt í ljós að Arnór er óbrotinn.
„Við getum staðfest að það eru engin beinbrot á neðri fótleggnum né ökklanum. Það eru hinsvegar alvarlegir áverkar á liðböndum í ökklanum," sagði Jesper og bætir við að Arnór þurfi ekki að gangast undir aðgerð.
Athugasemdir