Son pirraður: Við stjórnuðum leiknum

Tottenham fékk svo sannarlega tækifæri til að skora en Raya og varnarlína Arsenal var frábær í dag. Gabriel skoraði síðan sigurmarkið með skalla eftir hornspyrnu.

Son er orðinn pirraður á því að fá á sig mark eftir fast leikatriði.

„Við stjórnuðum leiknum, fótboltinn var til staðar, við fengum bara á okkur mark eftir fast leikatriði enn eina ferðina. Við gerðum þetta á síðasta tímabili og það er mjög pirrandi. Ég er viss um að stuðningsmennirnir séu vonsviknir. Við verðum að bæta okkur, þetta hefur verið erfitt og við verðum að standa saman," sagði Son.