HK-ingurinn Elísa Birta Káradóttir æfir þessa dagana með sænska úrvalsdeildarfélaginu Norrköping en þetta kemur fram á samfélagsmiðlum HK.
Elísa Birta er fædd árið 2009 og spilaði sitt fyrsta tímabil með meistaraflokki HK í sumar.
Hún lék 14 leiki og skoraði 3 mörk í Lengjudeildinni ásamt því að spila einn leik í bikar.
Á dögunum hélt hún til Svíþjóðar, nánar tiltekið Norrköping, en hún æfir með bæði U17 og aðalliði félagsins.
Ein íslensk unglingalandsliðskona er á mála hjá Norrköping en það er Víkingurinn Sigdís Eva Bárðardóttir sem gekk í raðir félagsins í sumar.
Elísa Birta á sex leiki að baki fyrir yngri landslið Íslands en hún lék á dögunum sinn fyrsta leik með U17 ára landsliðinu í 1-0 tapi gegn Póllandi.
Athugasemdir
