Coutinho, sem er sóknarsinnaður miðjumaður, lék með 2013 til 2018, en vildi svo ólmur fara til Barcelona. Þangað var hann seldur fyrir 142 milljónir punda í janúar 2018. Hjá Barcelona stóðst hann ekki þær miklu væntingar sem gerðar voru til hans og er hann núna í láni hjá Bayern München.

Það hefur gengið mjög vel hjá Liverpool frá því að Coutinho fór. Liðið vann Meistaradeildina í fyrra og er núna með mjög, mjög þægilegt forskot á toppi ensku úrvalsdeildarinnar.

Lærisveinar Jurgen Klopp féllu þó úr leik í Meistaradeildinni í síðustu viku gegn vel skipulögðu liði Atletico Madrid.

Thompson sér ekki fyrir sér að hinn 27 ára gamli Coutinho snúi aftur á Anfield á næstunni, en hann vill sjá félagið fá inn svipaðan leikmann.

„Við þurfum þannig leikmann til að opna þéttar varnir," sagði Thompson við Sky Sports og bætti við: „Mér finnst við líka þurfa annan sóknarmann og einhvern til vara fyrir Andy Robertson."

Liverpool er með yfirgnæfandi forskot á toppi ensku úrvalsdeildarinnar en núna hefur hlé verið gert á deildinni út af kórónuveirunni. Tímabilinu hefur verið frestað til 4. apríl, en ekki er víst að hægt verði að byrja aftur að spila þá. Það mun koma í ljós síðar.