Jason Daði og Ísak Snær.
Félagaskiptaglugginn á Íslandi er lokaður en félög annars staðar í Evrópu geta enn keypt leikmenn héðan frá.
Félagaskiptaglugginn lokast víðast hvar um mánaðarmótin núna og verður áhugavert sjá hvort einhverjir leikmenn verði keyptir frá Íslandi áður en hann lokar.
Það eru ýmsar sögusagnir á kreiki en það er erfitt fyrir íslensk félög að selja núna þar sem þau geta ekki fengið neinn leikmann inn í staðinn.
Það þarf líklega ansi góð tilboð til þess að félög hér á landi freistist til þess að selja lykilmenn þegar það er enn nóg eftir af tímabilinu.
Undirritaður ákvað samt sem áður að taka saman lista yfir fimm leikmenn sem gætu farið erlendis áður en glugginn lokar. Það er þó talsvert líklegra að þeir fari út eftir tímabil.
Hér að neðan má sjá hvaða leikmenn það eru. Júlíus Magnússon úr Víkingi var næstur á þennan lista en það er svo gott sem ómögulegt að hann fari út áður en tímabilið klárast. Víkingar eru búnir að selja sinn besta mann og það getur ekki verið að þeir mun selja fyrirliða sinn líka.
Ísak Snær Þorvaldsson - Það er mikill áhugi á honum erlendis þar sem hann er búinn að eiga stórkostlegt sumar. Blikar þurfa ótrúlegt tilboð til þess að selja hann.
Jason Daði Svanþórsson - Hæfileikaríkur leikmaður sem hlýtur að taka stökkið út á endanum en eins og með Ísak þá þarf magnað tilboð svo hann verði seldur. Blikar eru að berjast um báða titla og þurfa á sínum bestu mönnum að halda.
Ísak Andri Sigurgeirsson - Flottur leikmaður sem hefur vakið athygli í sumar. Stjarnan getur fyllt í hans skarð með Óskari Erni Haukssyni.
Nökkvi Þeyr Þórisson - Verið frábær seinni hlutann á Íslandsmótinu og talað er um að það sé áhugi á honum á Norðurlöndum. KA er að berjast um Evrópusæti og mun ekki sleppa honum auðveldlega.
Rúnar Þór Sigurgeirsson - Er að renna út á samningi og Keflavík vonast til þess að selja hann erlendis. Keflavík er í fínni stöðu og getur leyst það að missa hann.
Athugasemdir
